Asociacioni i Gazetarëve të Kosovës(AGK) ka reaguar pas kërcënimit me jetë të gazetares dhe kameramanit të mediumit “Betimit për Drejtësi”.

“Kërcënohen me jetë gazetarja dhe kameramani i “Betimi për Drejtësi”

“Gazetarja, Alberta Hashani dhe kameramani, Dituron Aliu, janë kërcënuar me jetë përderisa ishin duke e zhvilluar një hulumtim që pritet të publikohet në muajin shtator. Sipas redaksisë së “Betimi për Drejtësi”, gazetarja dhe kameramani janë kërcënuar me jetë nga një shitës i mallrave ilegale”, thuhet në reagimin e AGK-së.

AGK-ja ka thënë se fillimisht kameramanit i Betimit për Drejtësisë kishte pranuar një mesazh kërcënues, duke i thënë se i ka borxh një gjak.

“Komt.qet..shum.shpet.umk.pre.bes.um.ki.borq.ne.qak”, thuhet në mesazh sipas AGK-së.

Më tutje AGK-ja ka thënë se ai i  ka telefonuar gazetaren duke u shprehur se atë se bashku më kameramanin do i fur në bander.

“Unë ty ka me të gjete edhe atë djalin, ka me iu fur në tel në bander, ka me iu fur. A po ninë, a po ninë o idiota”, janë fjalët e kërcënuesit ndaj gazetares dhe kameramanit të Betimit për Drejtësisë.”

“Asociacioni i Gazetarëve të Kosovës është thellësisht i shqetësuar me këtë raportim të kolegëve, dhe fton Policinë e Kosovës dhe organet e drejtësisë që të trajtojnë rastin sa më parë”, ka përfunduar AGK-ja reagimin e saj.