Pa nënshkrime, u pajtuan në Bruksel e më vonë në Ohër për Marrëveshjen Bazike dhe aneksin e zbatimit të saj.
Por derisa nga Kosova vijnë zotime për implementimin e obligimeve që dalin nga dy dokumentet, të kundërtat vijnë nga Serbia.
Serish, presidenti serb Vuçiq ka paralajmëruar publikisht se nuk do t’i zbatojë të gjitha pikat e marrëveshjes.
Për deklaraten e liderit serbë dhe se cili do të jetë veprimi karshi Serbisë për mosrrespektim, gjatë së hënës përgjigjje nuk kanë dhënë nga Bashkimi Evropian, si ndërmjetsues i dialogut, me arsyetimin së është ditë feste.
Zëdhënësit të Bashkimi Evropian-Peter Stano ka theksuar se “Faleminderit për emailin tuaj, BE-ja po feston festat e Pashkëve, orari normal i punës do të rifillojë të marten”.
Përgjigjje për këtë nuk kanë kthyer as nga kabineti i zevendëskryeministrit të Kosovës, Besnik Bislimi, por kundër tyre kanë reaguar zyra e Presidentës Vjosa Osmani.
Shefi i kabinetit, Blerim Vela ka kërkuar sanksione ndaj shtetit serbë.
Blerim Vela- shef i kabinetit të presidentes Vjosa Osmani ka theksuar se “Vuçiq për RTS-në e Serbisë duke folur për zbatimin e marrëveshjes me Kosovën: Ne do të zbatojmë disa pjesë (të marrëveshjes), ndërsa të tjerat jo. E kam bërë të qartë atë që nuk do të zbatoj.
“Një kundërthënie e pastër me atë që është pajtuar dhe me qëndrimin e Bashkimit Evropian. Sanksionet duhet të pasojnë,” ka shkruar Vela në twitter.
Sanksione ndaj Serbisë në rast se nuk do të zbatohet në plotni marrëveshja, nga Bashkimi Evropian po kërkojnë edhe njohesit e çështjeve politike në vend.
Arbnor Sadiku, analist, ka theksuar se “ Sanksionet mund të jenë dhe duhet të jenë për Serbinë nese nuk e rrespektojnë marrëveshjen. Njëra ndër to duhet të jetë tërheqja e investitimeve në shtetin serbë dhe në anën tjetër të ketë edhe heqje të liberalizimit të vizave për ta. Ndërsa në përspektivenë afatgjate duhet ti mohohet serbisë rruga evropiane dhe të jetë e izoluar”.
Gazmir Raci, analist ka theksuar se “ Kosova dhe Serbia janë marrë vesh për planin franko-gjerman dhe ky dokument është obligues për Serbin pasi kapitulli I 35 e merr në përgjegjësi shtetin serbë për mi zbatu të gjitha obligimet. Nëse Serbia nuk I rrespekton atëherë ajo do të penalizohet në rrugëtimine saj drejt Bashkimit Evropian dhe Gjermani dhe Franca si garantuese të këtij plani duhet t’ja bëjnë të qartë shtetit serbë se duhet zbatuar të gjitha pikat”.
Një reagim i qartë nga Brukseli në lidhje me deklaratat e vazhdueshme kundërthënëse të Vuçiqit dhe zyrtarëve të tjerë të pushtetit në Serbi nuk ka ardhur deri tani.
Ditë më parë, pas takimit të 4 prillit të nivelit të kryenegociatorëve, Josep Borrell, përfaqësuesi i lartë i BE-së për politikë Jashtme, tha se palët duhet t’i respektojnë të gjitha detyrimet dhe të fillojnë zbatimin e tyre sa më shpejt, duke përfunduar me thirrjet që palët të shmangin përshkallëzimin e situatës.