Kërkohet depolitizim i çështjes së personave të pagjetur të luftës

Familjarët e të pagjeturve janë bashkuar në një apel drejtuar Beogradit, Prishtinës dhe Bashkësisë Ndërkombëtare, duke kërkuar depolitizimin e çështjes së të pagjeturve

Në Prishtinë e Beograd familjarët e të pagjeturve po kërkojnë depolitizimin e çështjes së të pagjeturve.

Ata kanë apeluar kërkesën drejt bashkësisë ndërkombëtare. Familjarët kanë shprehur pakënaqësinë e tyre që ky proces po shkon ngadalë. Lista e integruar e personave të zhdukur arrin numrin në 1600.

Familjarët e të pagjeturve janë bashkuar në një apel drejtuar Beogradit, Prishtinës dhe Bashkësisë Ndërkombëtare, duke kërkuar depolitizimin e këtij problemi.

Familjarët e të pagjeturve serbë dhe shqiptarë thonë se të drejtat e tyre nuk respektohen tash e 25 vjet.

“E dimë se politika duhet të largohet gjithqysh prej kësaj gjendjeje, të cilën e kanë bllokuar në Bruksel, edhe në të gjitha takimet ku janë me rëndësi për zbardhjen e fatit të pagjeturit, politika nuk e lenë në aspektin human, njerëzor, se ne mendojmë se kjo duhet të jetë pjesë humane”, tha për RTK Bajram Qerkinaj, Qendra Burimore për Personat e Zhdukur.

“Me forca të përbashkëta mund të ndikojmë që të gjithë faktorët të bëhen seriozë dhe profesionalë. Nëse ndonjë palë refuzon, i kërkojmë komunitetit ndërkombëtar që të ushtrojë presion mbi atë pale, që ajo te aprovojë zgjidhjen e një procesi të tillë. Nuk ka asgjë që duhet ta ndalë këtë proces”, tha Natasha Shqepanoviq, nga Shoqata e Serbëve të Zhdukur nga Kosova.

Lista e integruar e personave të zhdukur përmban emrat e më shumë se 1600 personave.

Familjarët janë të pakënaqur me procesin e ngadaltë në identifikimin dhe zhvarrosjen e të dashurve të tyre. Ndërsa, sot është njoftuar se mund të ketë një lëvizje përpara.

“Pas tre vjetësh bllokadë, do të mbahet seanca e punës e Grupit punues me 31 janar, ku do të flitet për arkivat, identifikimet dhe shkëmbimin e informacioneve për lokacionet. Presim që pas këtij takimi të mbahet edhe mbledhja e Grupit punues, në të cilën do të jenë të pranishëm edhe krerët e delegacioneve”, tha Vesna Boshkoviq nga Komisioni për Persona të Zhdukur i Qeverisë së Serbisë.

Familjet e të zhdukurve kërkojnë që të sigurohen pamjet satelitore të terrenit, të hapen arkivat, statusi i viktimave civile të rregullohet ligjërisht. Sipas tyre, zbardhja e fatit të personave të pagjetur është parakusht për progres dhe pajtim./RTK

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika