Kërkohet shkarkimi i Goran Rakiq nga posti i ministrit

Një deklaratë e ministrit për komunitete Goran Rakiq për rrëzimin e qeverisë Kurti ka nxitur reagime. Nga Vetëvendosje po thonë se ata nuk janë pjesë e koalicionit dhe nuk kanë fuqi, por megjithatë njohës të politikës e juristë janë pro shkarkimit nga posti i ministrit të përfaqësuesit serb

Goran Rakiq, kryetar i Listës Serb, dhe Ministër për Kthim dhe Komunitete

“Qëllimi ynë politik është të rrëzojmë Albin Kurtin nga pushteti” kështu po thotë hiç më pak se Goran Rakiqi kryetari i Listës Serbe, që në Qeverinë e Kurtit e drejton Ministrinë për Kthim dhe Komunitete.

Ulësja e tij në qeverinë e Kosovës është një obligim kushtetues, për çka po duket se ekzekutivi i ka duart e lidhura të veproj kundrejt tij.

Mefail Bajqinovci që është anëtar i Komisionit parlamentar për Siguri thotë se deklaratat e Listës Serbe janë të njëjtat me ato të opozitës në vend.

“Ata e kanë shprehur që duan ta rrëzojnë qeverinë Kurti por mundësitë janë të vogla, për opinionin public duhet të sqarohet se ne nuk jemi në koalicion dhe ata nuk kanë numrat që ta rrëzojnë qeverinë Kurti. Po i shohim edhe deklaratat e opozitës që pothuajse janë në sinkron me deklaratat e Listës Serbe”, ka thënë Bajqinovci.

Mefail Bajqinovci, deputet i LVV-së

E sipas shefes së deputetëve të LVV-së Mimoza Kusari Lila, pavarësisht çfarë masash mund të merren ndaj Rakiqit, Lista Serbe do të ketë një ministër në Qeveri.

“ Duhet të menaxhojmë në këtë rrethanë situatën në një mënyrë që të shkaktojmë më së paku pasoja për funksionimin e shtetit. Situata me Ministrin Rakiq mund të definohet por që prapë duhet të jetë Lista Serbe pasi që janë të vetmit përfaqësues të komunitet serbë në Kuvendin e Kosovës që duhet ta propozojë një ministër tjetër”, ka deklaruar Kusari Lila.

Mimoza Kusari Lila, deputete e LVV-së

Megjithëse deklaratat për rrëzim të qeverisë i vlerëson lojëra politike, shkarkimi i Rakiqit duhet të ndodhë, sipas analistit Milazim Krasniqi.

“M’kujtohet Isa Musatafa për një deklaratë e ka shkarku Jabllanoviqin nga pozita e ministrit, Kurti thjesht po e dëmton imazhin e vetë sepse po tregohet i paguximshëm sepse veprimet e Goran Rakiqit, kanë qenë veprime supverzive kanë shku kanë blloku rrugët, dhe ka thirrë për bojkot e për rebelim kështu që momenti ka kaluar që ai do duhet të shkarkohej”, ka thënë Krasniqi.

Milazim Krasniqi, profesor

E as akti më i lartë juridik nuk e ndalon shkarkimin e tij.

“Kushti për me pasë një ministër nga komuniteti serb përfundon në momentin kur të emërohet qeveria, ai kusht nuj e obligon rrëzimin e qeverisë nuk e imponon ramjen e qeverisë sepse kushti është akumulua në momnetin kur është kriju qeveria”, ka thënë juristi Shkëlzen Sopjani.

Shkëlzen Sopjani, jurist

Lista Serbe përveç që përfaqësohet në Qeverinë e Kosovës me ministrin për Kthim dhe Komunitete, ka po ashtu edhe dhjetë deputetë në Kuvendin e Kosovës.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrajsen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

Të jetosh me vitiligo, me mungesën e pigmentit në lëkurë

Vitiligo është një çrregullim i krijimit te melaninës, pigmentit të lëkurës, me ç’rast shfaqen njolla të bardha të zbehta në lëkurë, problem me të cilin vuan...

Agjencia e Emergjencave paralajmëron vërshime dhe përmbytje në Kosovë

Agjencia Menaxhimit Emergjent (AME), paralajmëron se mund të ketë vërshime të shpejta në disa zona të caktuara të Kosovës, sipas rekomandimve të Institutit Hidrometeorologjik...

Të fundit nga rubrika