Të martën, në seancën e Këshillit të Sigurimit të OKB-së në New York do të shqyrtohet raporti periodik i sekretarit të përgjithshëm të OKB-së, Antonio Guterres për Kosovën.
Në këtë seancë Kosovën do ta përfaqësojë ministrja e Punëve të Jashtme dhe e Diasporës së Kosovës, Donika Gërvalla.
Gjatë këtij takimi, ministrja Gërvalla do t’i paraqesë të arriturat e Kosovës, sfidat me të cilat përballet, sukseset në fushën e ekonomisë dhe sundimit të ligjit, reformat në fusha të ndryshme si dhe perspektivën e vendit.
Seanca e Këshillit të Sigurimit të OKB-së do të mbahet duke nisur nga ora 15:00 (21:00 sipas orës lokale në Kosovë).