Këtë të hënë do të mblidhet Kryesia e Kuvendit, ku në takim pritet të diskutohet për caktimin e seancës së radhës së Kuvendit të Kosovës.
Takimi është paralajmëruar të mbahet në orën 11, ku si zakonisht pritet të ketë konferencë për media nga shefat e grupeve parlamentare të kuvendit.
Po ashtu, në këtë mbledhje do të diskutohen pikat e papërfunduara nga seancat plenare paraprake e që janë rreth 60.
Seanca e fundit e kuvendit u mbajt të enjten, ku në rend dite ishte edhe projektligji për Trustin, i cili ngjalli shumë polemika mes deputetëve të pozitës dhe opozitës.
Pas disa orë diskutimi e përplasje, Kuvendi i Kosovës nuk e miratoi projektligjin në fjalë, gjë që bëri që akuzat ndaj pushtetir të shtohen edhe më shumë nga partitë opozitare.