Festivali Ndërkombëtar i Animacionit “Anibar” do të mbahet edhe në këtë vit dhe ka shpalosur programin për edicionin e ri. Në këtë vit do të mbahet edicioni i 13-të i këtij festivali.
Në këtë edicionit të Festivalit Ndërkombëtar të Animacionit “Anibar” do të jenë nëntë kategori, shtatë prej tyre garuese dhe më shumë se 200 filma të cilët do të shfaqen gjatë javës së festivalit.
“Gara Ndërkombëtare, studentore, ballkanike e filmit të metrazhit të gjatë, e audiencës së re, e videos muzikore dhe gara për të drejtat e njeriut do të mbahet këtë vit”, thuhet në njoftimin e organizatorëve të festivalit.
Në njoftim shkruhet se këtë vit për herë të parë, programi i njohur si “Kids and Teens” (programi për fëmijë dhe adoleshentë) tani programi i “Audiencës së re”, do të jetë program në kategorinë garuese.
Në edicionin e 13-të të Festivalit Ndërkombëtar të Animacionit “Anibar” do të jenë tri masterklasa dhe katër punëtori.