Ushtarët amerikanë të KFOR-it kanë realizuar patrullime të dielën në zonën e Zubin-Potokut, duke theksuar gatishmërinë dhe angazhimin e trupave për të siguruar qytetarët e Kosovës.
KFOR-i, i udhëhequr nga NATO, bëri të ditur se patrullimet dhe vëzhgimet janë pjesë e misionit të përditshëm për të garantuar një mjedis të sigurt dhe të qetë në rajon.
“Ushtarët amerikanë të caktuar në Komandën Rajonale në Lindje të misionit të KFOR-it, të udhëhequr nga NATO-ja, vazhdojnë të kryejnë patrullime dhe vëzhgime sigurie në Zubin-Potok, Kosovë. Trupat e KFOR-it janë të gatshëm dhe të vendosur të ofrojnë siguri për të gjithë qytetarët e Kosovës. Këto përpjekje janë pjesë e misionit të përditshëm të KFOR-it për të garantuar një mjedis të qetë dhe të sigurt”, thuhet në njoftim.
Për më tepër, KFOR-i ka përsëritur angazhimin e tij për të zbatuar mandatin e përcaktuar në Rezolutën 1244 të Këshillit të Sigurimit të OKB-së, duke punuar në koordinim të ngushtë me Policinë e Kosovës dhe EULEX-in për të siguruar një mjedis të sigurt dhe paqësor për të gjithë qytetarët dhe komunitetet në Kosovë.