Perfaqësues të KFOR-it kanë biseduar me protestues dhe drejtues të Listës Serbe në Zveçan.
Nga Goran Rakiq, kryetar i kësaj partie, është shtruar kërkesa që ushtarët e KFOR-it të vendosen në rrugët kryesore të Zveçanit, për të parandaluar arrestimin e serbëve nga pjesëtarë të Policisë së Kosovës.
Këtë kërkesë, përfaqësues të KFOR-it thanë se do ta shqyrtojnë, por kanë kërkuar garanci të forta se veprime të dhunshme sikur ato të ditës së hënë, të mos përsëriten më.
Ata kanë rikujtuar se gjatë asaj dite, ishte diskutuar për gati 8 orë me ta, dhe në fund të ditës, ishin afër 30 ushtarë të plagosur, çka sipas tyre është e papranueshme.