Të mërkurën e 31 gushtit, një orë e gjysmë para se të hyjë në fuqi zbatimi i masës së reciprocitetit me Serbinë, në pikën kufitare në Bërnjak në rrugën kryesore, KFOR-I letonez ka shtuar prezencën e patrullimeve.
Ekipi i RTV Dukagjini që ndodhet në vendin e ngjarjes në veri të vendit, ka raportuar se situata mbetet e qetë dhe me pak qarkullim të veturave.
Po ashtu, edhe pika kufitare me Serbinë në Merdar, raportohet të jetë e qetë.
Pas një komunikimi me policinë, është kuptuar se gjithçka është gati për ta respektuar këtë marrëveshje të arritur mes palëve në Bruksel.
Ata kanë thënë se në rast se Serbia nuk e respekton marrëveshjen dhe lëshojnë dokumente sikurse deri më tani, ata janë po ashtu të gatshëm të zbatojnë reciprocitetin.