Vira Hyrych, një gazetare në Radio Evropa e Lirë (REL), ka vdekur si pasojë e sulmit me raketa të Rusisë në Kiev më datë 28 prill.
Thuhet se një raketë kishte goditur banesën e gazetares, shtoi Kuznetsova.
Granatimet e Kievit më 28 prill u zhvilluan gjatë një vizite të Sekretarit të Përgjithshëm të OKB-së, Antonio Guterres.
“Në fund të 28 prillit, rusët sulmuan kryeqytetin ukrainas, me dy raketa që goditën lagjen Shevchenkivsky të qytetit. Raportimet e para thanë se dhjetë persona u plagosën dhe katër persona u shtruan në spital si pasojë e një sulmi me raketa në një pallat. Sipas Shërbimit Shtetëror të Emergjencave të Ukrainës, ndërtesa u shkatërrua pjesërisht”, raporton ukrinform.
Trupi i gazetares ishte gjetur i pajetë nën rrënojat e ndërtesës nga shpëtimtarët pak pas bombardimeve, ka bërë të ditur Kryetari i bashkisë së Kievit, Vitali Klitschko.
Në Twitter, kolegia e saj ka raportuar se ajo vdiq si pasojë e goditjes ruse në një bllok banimi.
Yesterday's Russian missile strike on Kyiv killed my colleague from the media. Vira Hyrych, a producer at @RFERL, died as a result of Russian strike on a residential block. Her body was found under the rubble in the morning. Other friend's flat was damaged. It hits close to home
— Olga Tokariuk (@olgatokariuk) April 29, 2022