Kievi zmbraps një tjetër valë të sulmeve ajrore ruse

Kievi është sulmuar përsëri me një valë sulmesh ajrore nga forcat ruse, vetëm një ditë pas sulmit më të madh me dronë që ka pasur ndaj kryeqytetit që nga fillimi i luftës

Fotografi ilustruese

Kievi zmbrapsi një tjetër valë sulmesh ajrore nga forcat ruse gjatë natës, thanë zyrtarët ukrainas më 29 maj, një ditë pasi kryeqyteti i Ukrainës u vu nën atë që autoritetet e përshkruan si sulmi më i madh me dronë ndaj Kievit që nga fillimi i luftës.

“Kanë kaluar vetëm 18 orë nga sulmi më i madh me [dronë] në Kiev dhe armiku e sulmoi përsëri kryeqytetin”, tha administrata ushtarake e qytetit, duke shtuar se ky ishte sulmi i 15-të ajror ndaj Kievit që nga fillimi i majit.

Sipas autoriteteve të Kievit, sistemet mbrojtëse të Ukrainës rrëzuan 37 raketa dhe 29 dronë gjatë natës.

Kryetari i Kievit, Vitali Klitschko, ka thënë se ishte “një tjetër natë e vështirë” për qytetin, por ai tha se nuk u raportua për viktima apo dëme të mëdha nga sulmet e fundit ajrore.

“Falë profesionalizmit të mbrojtësve tanë, si rezultat i sulmit ajror nga barbarët në Kiev, nuk ka pasur dëme apo shkatërrime në infrastrukturë dhe objekte të tjera apo në ndërtesa të banimit”, ka shkruar Klitschko në Telegram. “Nuk ka të lënduar apo të vdekur”.

Të paktën dy persona u vranë dhe tre të tjerë u plagosën shkaku i sulmit të një dite më parë në Kiev. Ai sulm kishte sjellë dëme edhe në disa ndërtesa, raporton REL.

Sulmet erdhën të dielën e fundit të majit, kur kryeqyteti ukrainas e festonte Ditën e Kievit, përvjetorin e themelimit zyrtar të qytetit, 1541 vjet më parë.

Rusia i ka intensifikuar sulmet me raketa dhe dronë në Ukrainë pas një periudhe prej gati dy muajsh më të qeta, duke sulmuar objektet dhe furnizimet ushtarake disa herë në javë.

E përforcuar nga pajisjet e sofistikuara të furnizuara nga perëndimi, mbrojtja ajrore e Ukrainës ka arritur t’i pengojë sulmet ajrore ruse.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika