Kina zgjedh kryeministër aleatin e Xi Jinping

Li Qiang është zgjedhur zyrtarisht nga parlamenti si kryeministër i ri i Kinës, duke u bërë zyrtari i dytë më i lartë në sistemin politik të vendit

Presidenti i Kinës, Xi Jinping, shtrëngon duart me kryeministrin e sapozgjedhur, Li Qiang, gjatë seancës së katërt plenare të Kongresit Kombëtar Popullor në Pekin. 11 mars 2023. Foto: Reuters

Li Qiang është zgjedhur zyrtarisht nga parlamenti si kryeministër i ri i Kinës, duke u bërë zyrtari i dytë më i lartë në sistemin politik të vendit.

Ish-udhëheqësi i Partisë Komuniste të qytetit më të madh të vendit, Shangait, do të udhëheqë Qeverinë, duke zëvendësuar Li Keqiang, i cili doli në pension. Ai mori pothuajse të gjitha votat e më shumë se 2 mijë e 900 delegatëve të Kongresit Kombëtar Popullor (NPC).

Kryeministri i ri i Kinës është aleat i ngushtë i presidentit kinez, Xi Jinping, të cilët kanë punuar së bashku.

Gjithashtu, të premten Xi Jinping iu dha mandati i tretë pesëvjeçar si president i Kinës.

Vota për të në Kongresin Kombëtar Popullor në Pekin ishte unanime, me 2 mijë e 952 pro dhe asnjë kundër. Anëtarët e këtij Kongresi emërohen nga partia në pushtet.

Xi, 69 vjeçar, e kishte emëruar vetën për një mandat të tretë pesëvjeçar si sekretar i përgjithshëm i partisë në tetor, duke thyer një traditë sipas së cilës udhëheqësit kinezë e dorëzojnë pushtetin një herë në dekadë.

Një kufi i vendosur për dy mandate për presidencën e Kinës është fshirë nga Kushtetuta kineze më herët, duke nxitur sugjerime se ai mund të qëndrojë në pushtet për gjithë jetën.

Mandati i ri i Xi dhe emërimi i njerëzve të afërt me të në postet kryesore nënvizon monopolin e tij mbi pushtetin politik kinez, duke eliminuar çdo kundërshtar të mundshëm ndaj agjendës së tij tepër nacionaliste për ndërtimin e Kinës si rivali më i lartë politik, ushtarak dhe ekonomik i Shteteve të Bashkuara të Amerikës, dhe sfiduesit më të madh të rendit botëror demokratik të udhëhequr nga Uashingtoni. REL

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika