Klopp: Jam absolutisht krenar

Trajneri i Liverpoolit, Jurgen Klopp flet pas fitores në gjysëmfinale

Trajneri i Liverpoolit, Jurgen Klopp ka folur për fitoren e gjysëmfinales së Kupës FA të ekipit të tij ndaj Manchester Cityt. Ndeshja e cila është zhvilluar të shtunën në stadiumin Wembley, ka përfunduar me rezultat 3-2 për Liverpoolin, kështu duke i siguruar, këtij të fundit, një vend në finale.

Skuadra e Klopp ka kryesuar me rezultat 3-0 në pjesën e parë, falë golave ​​të Ibrahima Konate me kokë dhe dygolëshit të Sadio Mane. Lojëtari i Manchester City, Jack Grealish, ka shënuar në fillim të pjesës së dytë, por goli i vonë i Bernardo Silva, ishte shumë pak i vonuar për skuadrën e Pep Gardiolës.

Klopp, i kënaqur, ka shprehur krenarinë e tij përmes BBC.

“Oh absolutisht krenar, është e pabesueshme. Mendoj se pjesa e parë ishte një nga më të mirat që kemi luajtur ndonjëherë”, ka thënë Klopp për BBC Sport.

“Ne e respektojmë shumë Cityn, dhe është shumë e vështirë të fitosh kundër tyre. Por, për shkak se i kemi këta djem në dhomën e zhveshjes, ne kemi një shans”, ka thënë Klopp, i cili po e udhëheq Liverpoolin në finalen e FA Cup për herë të parë gjatë mbretërimit të tij.

54 vjeçari është trajner i Liverpoolit që nga viti 2015.

 

 

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika