Milazim Koci, analist politika ka thënë se Serbia është e frymëzuar dhe e trimëruar nga ngjarjet e fundit në Ukrainë.

Koci ka thënë se nëse Bashkimi Evropian e ka seriozisht zgjerimin e tij duke fut shtetet e Ballkanit brenda vetes duhet të shoh se kush është duke minuar këtë proces.

Ai ka thënë se Serbia është faktor i cili ndal lëvizjen e Ballkanit drejtë BE-së.

Koca është shprehur se në Bosnjës dhe Hercegovinë është duke ndodhur praktikisht fillimi i demontimit të Bosnjës pa reagim “qoftë të Brukselit, qoftë të Uashingtonit”.

“Është demontim i hapur i një shteti, praktikisht përgatitje për agresion për ndarje e copëtim të Bosnjës”, ka thënë ai në FIVE në RTV Dukagjini.

“Serbia është trimëruar me zhvillimet e fundit në Ukrainë”, ka thënë ndër të tjera Koca duke shtuar se mbi precedentin eventual të copëtimit dhe ndarjes së Ukrainës do të ishte i rrezikshëm për Ballkanin.

“Supozoj se Serbia pikërisht në këtë letër luan… nëse është bërë precedent në Ukrainë pse atëherë të mos bëhet precedent edhe në Ballkan”, ka thënë ai.