Dy rivalët e vjetër do të takohen përsëri.

Sytë e tifozëve të futbollit sonte do të jenë në “Camp Nou”.

Me fillim nga ora 21:00 aty do përballen Barcelona – Real Madrid, në kuadër të ndeshjes së dytë gjysmëfinale të Kupës së Mbretit.

Por në këtë “El Clasico” , katalunasit janë të veshur me petkun e favoritit.

Skuadra e udhëhequr nga Xavi Hernandez ka triumfuar në tri nga po aq përballjet e fundit ndaj madrilienëve.

Teksa, rezultati 1-0 nga ndeshja e parë dhe fakti që luajnë si vendës e shton edhe më shumë optimizmin në kampin katalunas.

Në këtë takim, Barça hyn me mungesat e Dembeles, Pedrit, De Jong dhe Christensen që vazhdojnë të jenë të lënduar. Ndërsa, te mysafirët mungon vetëm Mendy.