Komandanti i KFOR-it: Situata e sigurisë në Kosovë është e qetë, por shumë e brishtë

"Aktualisht situata e përgjithshme e sigurisë në Kosovë është e qetë, por shumë e brishtë, e paqëndrueshme dhe e paparashikueshme, për shkak të disa çështjeve të pazgjidhura ndonjëherë konvergjuese", kështu ka deklaruar komandanti i KFOR-it, Angelo Michele Ristuccia, në një takim me shefat e Mbrojtjes të NATO-s

Komandanti i KFOR-it, Angelo Michele Ristuccia

Komandanti i KFOR-it, Angelo Michele Ristuccia, në takimin e Shefave të Mbrojtjes të NATO-s që është mbajtur të enjten, ka thënë se situata e përgjithshme e sigurisë në Kosovë është e qetë, por shumë e brishtë dhe e paqëndrueshme.

Ristuccia i ka falënderuar aleatët dhe partnerët për kontributin e tyre në përkrahjen e misionit të KFOR-it.

“Aktualisht situata e përgjithshme e sigurisë në Kosovë është e qetë, por shumë e brishtë, e paqëndrueshme dhe e paparashikueshme, për shkak të disa çështjeve të pazgjidhura, ndonjëherë konvergjuese”, kështu ka njoftuar KFOR-i në Twitter.

Gjeneral-majori, Angelo Michele Ristuccia, ka theksuar se KFOR-i vazhdon të zbatojë çdo ditë dhe në mënyrë të paanshme mandatin e tij të OKB-së, për të ruajtur sigurinë dhe lirinë e lëvizjes, dhe është i gatshëm të ndërhyjë nëse është e nevojshme.

“KFOR-i po zbaton çdo ditë dhe në mënyrë të paanshme mandatin që i buron nga OKB-ja, e që ka për qëllim lirinë e lëvizjes dhe ruajtjen e sigurisë”.

Po ashtu, ai ka theksuar se po krijon kushte që të konsolidohet dhe të ecë para dialogu i lehtësuar nga BE-ja në mes të Kosovës dhe Serbisë.

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika