Komandanti i Komandës së Forcave të Përbashkëta të NATO-s, admirali Stuart Munsch, të martën e 20 dhjetorit do të takohet me presidentin e Serbisë, Aleksandër Vuçiq.
Ky takim vjen në vazhdën e bllokimit të veriut të Kosovës me barrikada nga ana e grupeve kriminale serb.
Takimi është caktuar për në orën 10:00 në ndërtesën e sekretariatit të presidencës serbe, shkruan Tanjug.
Munsch në një intervistë për agjencisë serbe të lajmeve Tanjug ka deklaruar se KFOR-i po monitoron nga afër situatën në veri të Kosovës dhe është i gatshëm të sigurojë liri të lëvizjes për të gjitha komunitetet kudo në Kosovë.
Ai u bëri thirrje të gjitha palëve që të veprojnë në mënyrë konstruktive, për të garantuar sigurinë dhe lirinë e lëvizjes në Kosovë.
Ndryshe, bllokimi i rrugëve në veri të Kosovës, ka hyrë në ditën e 11.
Që nga e shtuna e 10 dhjetorit, serbët lokalë kanë ngritur barrikada në shenjë pakënaqësie me arrestimin e një ish-pjesëtari serb të Policisë së Kosovës, që autoritetet në Kosovë thonë se ka organizuar sulmet ndaj zyrave të Komisionit Qendror të Zgjedhjeve në veri.
Forcat e policisë së Kosovës vazhdojnë të jenë të dislokuara në veri.
Për t’u kujdesur për sigurinë e qytetarëve në atë pjesë të Kosovës, janë shtuar patrullime edhe nga ana e KFOR-it e EULEX-it.
Të dielën, një grup i protestuesve ekstremistë serbë kanë thyer kordonin e parë të Policisë serb, e cila po i kontrollonte teksa po protestonin afër kufirit me Kosovës, në pikën kufitare në Jarinjë.
Ata u ndaluan nga kordoni i dytë i policisë, i cili ishte vetëm pak metra larg pikës së kontrollit në Jarinjë.
Në kufi me Serbinë, kishin dalë njësitë e KFOR-it, të cilët i kishin shtuar forcat për ta parandaluar një eskalim të mundshëm të gjendjes.
Por, protestuesit anës tjetër të kufirit, u dorëzuan dhe u shpërndan pa ndonjë incident të madh.