Komandanti i parë i KFOR-it: Në Veri ekziston një grup kriminal multietnik

Komandanti i parë i KFOR-it, Erhard Buhler, ka thënë se në veri të Kosovës ekziston një grup kriminal multietnik që vazhdimisht kanë kryer krime

Erhard Buhler, komandant i parë i KFOR-it

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik që vazhdimisht kanë kryer krime.

Ai ka bërë të ditur se provat që i kishin mbledhur në lidhje me veprimtarinë kriminale në atë pjesë të vendit, ia kanë dorëzuar EULEX-it dhe Policisë së Kosovës.

Madje, sipas Bhuler-it, ai i mban ende në mend emrat, siç ka thënë, të kriminelëve atje.

“Po. I mbaj mend mjaft mirë emrat. Ekziston një grup multietnik i kriminelëve që u pasuruan në këtë zonë pa pothuajse asnjë sundim të ligjit deri më sot. Ne mblodhëm shumë informacione të inteligjencës ushtarake dhe ia dhamë EULEX-it dhe Policisë së Kosovës për ta shndërruar inteligjencën në prova, që mund të përdoren për të akuzuar këta kriminelë në gjykata’’, thotë Buhler.

Duke iu referuar situatës së tensionuar në veri, Buhler ka thënë se duhet të punohet për deeskalim të situatës.

Sipas tij, të dyja vendet duhet ta gjejnë rrugën e duhur për pajtim.

“Por unë mendoj se nuk është koha për përshkallëzim, por për deeskalim dhe pajtim. Kur bëhet fjalë për pajtimin, kjo i drejtohet kryesisht, por jo ekskluzivisht lidershipit aktual politik në Beograd, veçanërisht atyre që ishin në një mënyrë apo në tjetrën pjesë të regjimit të Millosheviqit. Mendoj se shumë njerëz në Serbi dhe në Kosovë janë shumë më larg kur bëhet fjalë për pajtimin’’, ka thënë ai.

I pyetur në lidhje me anëtarësimin e Kosovës në NATO, komandanti i KFOR-it thotë se ende ka punë për të bërë, edhe pse sipas tij, në të kaluarën është bërë shumë.

Shija e redaktorit

Ermal Panduri tregon se si filloi emisioni “Debat Plus”

Moderatori i emisionit më të shikuar në vend "Debat Plus", Ermal Panduri, ka treguar se ky është emisioni më i shtrenjtë në Kosovë. "Është shumë...

15 operimet më të ndërlikuara në shëndetësi u kryen ditën...

Në Spitalin e Përgjithshëm të Pejës, gjatë ditës së djeshme (12 mars), janë kryer 15 operacionet më të ndërlikuara në shëndetësi. Këtë e ka...

Gërvalla viziton Misionin e Përhershëm të Shqipërisë në NATO

Në kuadër të vizitës në NATO, ministres së Punëve të Jashtme dhe Diasporës, Donika Gërvalla dhe delegacionit të Kosovës i është rezervuar një pritje...

Të fundit nga rubrika