Koalicioni i OJQ-ve për Mbrojtjen e Fëmijëve në Kosovë ka kërkuar nga Komisioni Qendror i Zgjedhjeve që të ndërmarrë masa ndaj subjekteve politike, pasi sipas raportimeve nga terreni, fëmijët po përdoren në aktivitetet e fushatës zgjedhore.
Përmes një reagimi publik, KOMF u ka bërë thirrje partive politike që të respektojnë të drejtat e fëmijëve dhe të shmangin çdo formë të përfshirjes së tyre në fushatë.
Sipas tyre, shfrytëzimi i fëmijëve për qëllime politike përbën shkelje të të drejtave të tyre dhe cenon mirëqenien e tyre.
KOMF i ka kërkuar gjithashtu KQZ-së që të monitorojë aktivitetet zgjedhore dhe të ndërmarrë masa në çdo rast kur konstatohet përfshirja e fëmijëve.
Po ashtu, u është bërë thirrje edhe prindërve që të mos i ekspozojnë fëmijët në aktivitete politike.