KOMF reagon pas rrahjes së 3-vjeçarit në një kopsht në Fushë-Kosovë

KOMF bën thirrje që të intensifikohet monitorimi dhe inspektimi sistematik i kopshteve, pas rastit të rrahjes së trevjeçarit nga tri edukatore në kopshtin "Gëzimi Ynë" në Fushë-Kosovë

Koalicioni i OJQ-ve për Mbrojtjen e Fëmijëve, KOMF, ka shprehur shqetësim për pamjet filmike të publikuara lidhur me qasjen e edukatoreve dhe trajtimin ndaj një fëmije 3-vjeçar në kopshtin “Gëzimi ynë” në Fushë-Kosovë.

Momentet e të ushqyerit, të pushimit, të gjumit apo të aktiviteteve dhe lojërave të tjera, janë të natyrës edukative dhe rekreative.

“Prandaj, çdo qasje e papërshtatshme, e vrazhdë apo e dhunshme e përdorur nga edukatoret, për të detyruar fëmijën që t’i realizojë ato përmes presionit, tërheqjes, zvarritjes, dhunës verbale apo fizike, përbën një shkelje të rëndë e cila dëmton të gjitha sferat e zhvillimit të fëmijës”, ka shkruar KOMF në rrjetin social në Facebook.

KOMF ka bërë thirrje që të intensifikohet monitorimi dhe inspektimi sistematik i kopshteve përmes inspektorëve dhe konsultimeve me prindërit në mënyrë që të parandalohen rastet e tilla.

“Kopshtet duhet të kenë politikë apo rregullore të posaçme për mbrojtjen e fëmijës me qëllim të krijimit të një sistemi të brendshëm që parandalon dhe reagon ndaj shkeljeve të të drejtave të fëmijës”, thuhet, ndër të tjera, në reagimin publik të KOMF-it.

Shija e redaktorit

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Të fundit nga rubrika