Komisioni ad-hoc i Kuvendit për zhvillimin e procesit të vettingut i ka miratuar amandamentet kushtetuese për këtë proces.
Kështu ka bërë të ditur ministrja e Drejtësisë, Albulena Haxhiu, përmes një postimi në rrjetin social Facebook.
Haxhiu ka falënderuar anëtarët e Komisionit, përfaqësuesit dhe të gjithë tjerët që kanë kontribuuar në finalizimin e amendamenteve kushtetuese.
“E lumtur që Komisioni Ad-Hoc i Kuvendit të Republikës Kosovës, me unanimitet të plotë ka miratuar amendamentet kushtetuese për vettingun në Sistemin e Drejtësisë. Falënderoj anëtarët e komisionit, përfaqësuesit e sistemit të drejtësisë, anëtarët e shoqërisë civile, partnerët ndërkombëtarë dhe ekspertët e pavarur për kontributin e tyre në finalizimin e amendamenteve kushtetuese”, ka shkruar Haxhiu.