Komiteti Olimpik i Kosovës e ka ngushëlluar familjen e futbollistit të ri 15-vjeçar Leon Syla, i cili ka vdekur si pasojë një sëmundjeje që e ka shoqëruar tashmë të ndjerin për disa vite.
Lajmi për vdekjen e futbollistit 15-vjeçar është pritur me pikëllim të madh, sipas Komiteti Olimpik i Kosovës.
Më poshtë mund ta lexoni postimin e plotë nga Komiteti Olimpik i Kosovës.
E nderuara familja Syla!
Me pikëllim të madh morëm lajmin për ndarjen nga jeta të futbollistit të ri, 15-vjeçar, Leon Syla.
Leoni ishte futbollist i klubit të 2 Korrikut, ndërsa ishte pjesëmarrës edhe në aktivitetet e KOK-ut të organizuara në shënimin e Ditës Olimpike.
Ikja e tij e hershme shkaku i sëmundjes që e përcolli për disa vite, preku gjithë komunitetin e sportit dhe jo vetëm. Leoni ishte shembull për shpirtin e tij luftarak dhe disiplinën e shfaqur në klub dhe aktivitetet sportive.
Në emër të KOK-ut dhe lëvizjes olimpike në vend, i shpreh ngushëllimet më të thella familjes së tij, shokëve, klubit 2 Korriku, FFK-së, dhe gjithë afërmve të tij.