Në seancën e jashtëzakonshme të Kuvendit të Komunës së Obiqlit, me dhjetë vota pro dhe nq abstenim, janë votuar dy rekomandimet për Ministrinë Financave, punës dhe Transfereve (MFPT).
Këtë e ka bërë të ditur kryetari i kësaj komunave, Xhafer Gashi, ku ka bërë të ditur dy rekomandimet për MFPT-në.
“Rekomandimi i parë; Komuna e Obiliqit është e gatshme për lirimin e qytetarëve nga tatimi në pronën e paluajtshme deri në 100 euro, duke rekomanduar MFPT-në që të na plotësoj me infrastrukturë ligjore.
Rekomandimi i dytë; Ministria e Financave, Punës dhe Transfereve, ta pezullojë vendimin për Ri-vlersimin e pronave dhe qytetarët e Komunës së Obiliqit, të paguajnë vlerën e faturës së tatimit në pronë për vitin 2023 ashtu siç kanë paguar në vitin 2022”, ka shkruar Gashi në Facebook.
Ai gjithashtu ka falënderuar të gjithë anëtarët e Kuvendit Komunal për vullnetin e tyre dhe angazhimin.
“Në fjalën time, kam falënderuar të gjithë anëtarët e Kuvendit Komunal për vullnetin dhe angazhimin e tyre si dhe kam shprehur gatishmërinë në faljen e tatimit në pronë për qytetarët e Obiliqit si rezultat i gjendjes së rënduar ekonomike dhe inflacionin si dhe konsideroj se duke patur mundësi ligjore Ministria gjegjëse do has në mirëkuptim për rekomandimet e votuara nga Kuvendi i Obiliqit”, ka shtuar ai.