Komuna e Prishtinës dhe SHSKUK-ja bëjnë marrëveshje për shërbime më efikase për pacientët me hemodializë

Kryetari i Komunës së Prishtinës, Përparim Rama dhe Drejtori i Përgjithshëm i Shërbimit Spitalor Klinik Universitar të Kosovës, Valbon Krasniqi, kanë nënshkruar memorandum bashkëpunimi, për ofriminn e shërbimit sa më efikas për pacientët e repartit të hemodializës në QKUK, të cilëve në mungesë të hapësirave në QKUK, do t’iu ofrohet në shfrytëzim kati i sipërm në Qendrën e Mjekësisë Familjare-QMF në Kodrën e Trimave.

Me këtë memorandum, gjithashtu, komuna do t’i kursejë me mijëra euro, të cilat, tash do të përdoren në QKUK. Në të kaluarën ato shpenzoheshin për grumbullimin dhe asgjësimin e mjeteve mjekësore në Qendrën e Mjekësisë Familjare.

Përparim Rama tha që do të jetë i hapur edhe për bashkëpunime të tjera që do të jenë për të mirën e qytetarëve.

“Lë të jetë ky një vazhdim i mirëfilltë i bashkëpunimit në mes Komunës së Prishtinës dhe QKUK-së. Tash do t’i fillojmë bashkëpunimet edhe më shumë për të mirën e qytetarëve, Komunës së Prishtinës dhe për të mirën e gjithë vendit”, tha ai.

Valbon Krasniqi, drejtori i përgjithshëm i SHSKUK-së, ka thënë që në fund të fundit ky bashkëpunim është përgjegjësi e tyre publike.

“Jemi të hapur shumë për këtë bashkëpunim, në fund të fundit është përgjegjësi e jona publike zyrtare, kështu që jeni të mirëseardhur edhe në QKUK për të parë nga afër shërbimet që ofrojmë për qytetarët e Prishtinës dhe Kosovës”, thotë ndër të tjerash ai.

Izet Sadiku, drejtor i Shëndetësisë në Komunën e Prishtinës, tregoi disa pika të këtij memorandumi, njëra nga ato pika ishte edhe shërbimi për hemodializë.

“Ne i ndihmojmë Shërbimit Spitalor Klinik Universitar të Kosovës për hemodializë në Qendrën e Mjekësisë Familjare, në Kodrën e Trimave, prej vitit 2010. Kemi ndihmuar Qendrën e Mjekësisë Familjare për grumbullimin dhe asgjësimin e mjeteve mjekësore, që komunës në 15 muajt e fundit i kanë kushtuar rreth 200 mijë euro, dhe sot prej këtij momenti, duke iu falënderuar këtij bashkëpunimi, komuna më nuk paguan për këto shërbime, për arsye se këto bashkëpunime janë një marrëveshje bilaterale që bëhet në QKUK”.

Nga kjo marrëveshje,pritet që sa më shpejt t’iu ofrohen këto shërbime pacientëve me hemodializë.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin "Lushtaku", është bërë shumë zhurmë në media. I ftuar në emisionin...

Të fundit nga rubrika