Komuna e Prishtinës mbyll rrugën “Rexhep Luci” përkundër protestave e peticioneve

Vendimi i Komunës së Prishtinës për të mbyllur rrugën 'Rexhep Luci' është marrë përkundër peticioneve dhe protestave të banorëve

Rruga “Rexhep Luci”, Prishtinë.

Në një vendim të kryetarit të Prishtinës, Përparim Rama, rruga “Rexhep Luci” është shpallur për t’u shndërruar në shesh, ndonëse banorët kanë shprehur pakënaqësi dhe kanë organizuar protesta dhe peticione kundër këtij vendimi.

Megjithatë, vendimi është hyrë në fuqi të premten.

Gjatë kësaj ngjarjeje, asamblisti i Aleancës Kosova e Re (AKR), Gzim Mehmeti, ka dalë kundër vendimit dhe ka shprehur qëndrimin e tij në lidhje me këtë çështje.

Në një intervistë për EO, ai ka theksuar nevojën për të mbështetur ankesat e qytetarëve, pasi ky vendim i kufizon lëvizjet e tyre.

“Çështja e mbylljeve të rrugëve unë mendoj se kjo është sipërfaqësor, është një vendim i cili nuk është i qëlluar aspak, për arsye sepse çdo vendim që merret nga ekzekutivi i qytetit duhet t’u lehtësojë qasje për qytetarët. Duhet t’u mundësohet një lëvizje, në këtë rast mbylljet pa një studim të fizibilitetit, mbylljet e rrugëve pa krijuar alternativë, janë problematike. Ankesat e qytetarëve në këtë rast duhet që të përkrahen për arsye se është duke ua pamundësuar lëvizjen e lirë”, ka thënë ai.

Sadudin Hasani, udhëheqës i bashkësisë lokale, ka bërë të ditur se ndërkaq banorët e rrugës “Rexhep Luci” janë ndarë në qëndrime të ndryshme në lidhje me këtë çështje.

Ai ka treguar se disa banorë preferojnë që rruga të kthehet në shesh, ndërsa të tjerë janë kundër.

Ndërkaq, Hasani ka shprehur interesin e komunitetit për të përmirësuar infrastrukturën, si ndërrimi i gypave të ujësjellësit dhe kanalizimit.

“Këtu janë disa vendparkingje, mundem me thënë 20 vend parkingje që parkohen, ato si mbas planit të ri të komunës, sipas projektit që rrugën ‘Rexhep Luci’ me e shëndrru në shesh, ato parkingje do të shndërrohen, ana e djathtë në rrugën ‘Simon Shiroka’, ana e mbajt në rrugën ‘Hajdar Dushi’, janë dy peticione, një është që disa banorë kundër që rruga me u bo shesh, banorët tjerë janë që e preferojnë që rruga të bëhet shesh”, u shpreh ai.

Gzim Mehmeti, asamblisti i AKR, është pajtuar me ankesat e qytetarëve dhe ka kritikuar vendimin e autoriteteve lokale për mbylljen e rrugës pa krijuar alternativa të mjaftueshme për banorët.

Ai ka përmendur sheshin ekzistues në qytet dhe ka theksuar se mbyllja e rrugëve pa krijuar alternativa të përshtatshme është problematike dhe mund të kufizojë lëvizjen e lirë të qytetarëve.

Shija e redaktorit

Përparësitë e Kosovës si shtet i asocuar në Asamblenë Parlamentare...

Një hap afër anëtarësimit në NATO, kështu së paku po konsiderohet nga politikanët të jetë afruar Kosova, tash që e morri statusin si vend...

Osmani në takim me kryesuesit e KGJK-së dhe KPK-së: Urgjent...

Presidentja Vjosa Osmani priti në takim kryesuesin e Këshillit Gjyqësor të Kosovës dhe kryesuesin e Këshillit Prokurorial të Kosovës. Ajo ka pritur në takime...

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

Të fundit nga rubrika