Komuna e Prishtinës ka njoftuar se për nder të përvjetorit të 32-të të Deklaratës së Kushtetutshmërisë, do të organizojë aktivitete kulturore.
Kjo festë do të organizohet për herë të parë në kryeqytet.
Në njoftim thuhet se “ky aktivitet mbahet si vazhdimësi e traditës për të afruar qytetarët me hapësirën e përbashkët publike”.
Aktiviteti do të mbahet në rrugën “2 Korriku”, dhe me orkestrën me po të njëjtin emër “ 2 Korriku”, duke filluar nga ora 12:00 e ditës së shtunë.
“Si vazhdimësi e traditës për të afruar qytetarët me hapësirën e përbashkët publike, kjo festë organizohet për herë të parë në kryeqytet, pas përqafimit të ngrohtë që qytetarët i kanë dhënë aktiviteteve të llojit të tillë”, thuhet në njoftim.
Më 2 korrik të vitit 1990, 114 delegatë të pjesëve të ndryshme të Kosovës, e kishin miratuar publikisht Deklaratën Kushtetuese, me të cilën Kosova u shpall njësi e veçantë në kuadër të federatës së atëhershme jugosllave. Ky ishte një akt historik i pritur moti, dhe që shprehte aspiratat shekullore të popullit të Kosovës për pavarësi shtetërore e territoriale nga Serbia.