Për shkak të reshjeve të mëdha të shiut që kanë ndodhur orëve të fundit, komuna e Vushtrrisë ka shpallur gjendje emergjente.
Në njoftimin e komunës thuhet se “pas vërshimeve të fundit që ndodhën në orët e mbrëmjes, situata në teren nuk është aspak e mirë, sidomos me daljen nga shtrati të lumit Tërstena”.
“Andaj, ju apelojmë që të bëni kujdes të shtuar pasi orët në vijim mund të jenë kritike, sidomos pjesa e qytetit. Kryetari i komunës ka marrë vendim për të shpallur gjendje emergjente dhe ka krijuar një Shtab Emergjent, i cili ka filluar punën në teren”, vijon njoftimi.
Po ashtu, komuna ka kërkuar nga qytetarët, të cilët banojnë afër lumit Podranqa dhe Tërstena, që të përgatiten për evakuim.