Katër komuna në veri të Mitrovicës me shumicë serbe janë zgjuar mëngjesin e së hënës së një gushtit me mesazhet “Mirë se vini në Asociacionin e Komunave Serbe”.
Billbordet dhe posterat në të gjithë Mitrovicën, specifikisht në Leposaviq, Zubin Potok dhe Zveçan tregojnë sloganin “Kjo është ZSO (AKS)”, me simbole dhe mesazhe në gjuhën angleze që flasin për këtë organizatë, raporton Kosova Online.
Mesazhet janë shfaqur në shëtitoren kryesore në Mitrovicën e Veriut, dhe në tabelat e vendosura në hyrje-daljet e katër komunave.
Marrëveshja për formimin e Asociacionit mes Kosovës e Serbisë është arritur në vitin 2013.