Të martën e 14 korrikut, në Bruksel, mbahet Konferenca e Ndërqeveritare e nëntë mes Shqipërisë dhe Bashkimit Europian.

Kryeministri i Shqipërisë, Edi Rama ka thënë se Shqipëria nuk ndalet në aspiratën e saj për t’u bërë pjesë e familjes së madhe europiane.

Ai ka ironizuar edhe opozitën, ndërsa thotë se puna e tyre janë llafet, kurse Partia Socialiste dhe qeveria vijojnë të bëjnë punën dhe reformat e duhura.

“Shqipëria nuk ndalet. Thanë negociatat u bllokuan; thanë Samiti i NATOS u anullua; thanë qeveria u rrëzua; thanë ç’nuk thanë e gjë pa thënë s’do lenë, sepse puna e tyre janë llafet ndërsa fjala jonë është puna”, shkruan Rama.

Në Konferencë pritet të bëhet mbyllja e tre kapitujve të parë të negociatave mes Shqipërisë dhe Bashkimit Europian.

Kapitujt që priten të mbyllen:

-Kapitulli 25 – Shkenca dhe Kërkimi Shkencor dhe

-Kapitulli 26 – Arsimi dhe Kultura

-Kapitullin 30 – Marrëdhëniet me Jashtë