Laboratori i Departamentit të Diagnostifikimit Molekular të Institutit të Shëndetit Publik ka raportuar për rastin e parë me linë e majmunëve në Mal të Zi.
I prekuri është një shtetas malazez dhe gjendja e tij është stabile.
Ky virus është shpërndarë në 79 vende të botës.
Instituti për Shëndet Publik i Malit të Zi apelon qytetarët që të respektojnë masat parandaluese higjieno—epidemologjike.
Lia e majmunëve është shpallur emergjencë shëndetësore globale nga Organizata Botërore e Shëndetësisë, për shkak numrit të madh të infektimeve në botë, kryesisht në Evropë.
Lia e majmunit i përket familjes së virusit të lisë, por ka simptoma të buta.
Pacientët e infektuar me linë e majmunit kanë vetëm temperaturë, dhimbje në trup, ethe dhe lodhje.