Të dielën e 12 qershorit, Netflix ka njoftuar se do të ketë sezon të dytë të serialit “Squad Game”
Krijuesi i serialit, Hwang Dong-hyuk, ka konfirmuar rikthimin e serialit në një intervistë me Vanity Fair.
Daily Mail transmeton se, Netflix ka ndarë një video në llogarinë e tyre në Twitter.
Kjo video tregonte syrin e kukullës me një dritë të kuqe, pas së cilës u shfaq numri dy.
Transmetuesi i serialit ka shtuar një mesazh humoristik në mbishkrimin e postimit, ku thuhej: “Drita e kuqe… Drita e gjelbër!”
Dong-Hyuk, 51-vjeçar, filloi mesazhin e tij duke shkruar: “Një raund krejt i ri po vjen”.
“U deshën 12 vite të tëra për të sjellë në jetë sezonin e parë të Squid Game vitin e kaluar. Por u deshën 12 ditë që Squid Game të bëhej seriali më i njohur i Netflix ndonjëherë. Si shkrimtar, regjisor dhe producent i Squid Game, një thirrje e madhe për fansat tanë në mbarë botën. Faleminderit që shikoni dhe pëlqeni shfaqjen tonë”, thuhej tutje në shkrimin e tij.