Dogana e Kosovës ka njoftuar se janë konfiskuar mallra të kontrabanduara në një depo në Zveçan.
Gjatë këtij aksioni, janë kapur dhe konfiskuar 280 copa pije të forta alkoolike, 300 copa verëra të ndryshme, si dhe 180 produkte kozmetike të ndryshme.
“Derisa vlera e përgjithshme e mallrave te konfiskuara tejkalon shumën prej 7000 euro. Ky rezultat i arritur është rezultat i bashkëpunimit të ngushtë midis njësive të Doganës dhe Policisë në kuadër të përpjekjeve të përbashkëta për të luftuar trafikun e mallrave të paligjshme”, thuhet në njoftim.
Dogana e Kosovës ka ftuar qytetarët dhe bizneset që të raportojnë çdo informacion të dyshimtë dhe të ndihmojnë në luftën kundër krimit të organizuar dhe kontrabandës.