Konjufca deklarohet i pafajshëm për hedhjen e gazit lotsjellës në kuvend

Kryetari i Kuvendit të Kosovës, Glauk Konjufca, është deklaruar i pafajshëm lidhur me akuzën se në gusht të 2016-ës, i cili në cilësinë e deputetit ka hedhur gaz lotsjellës në sallën e Kuvendit dhe ka penguar personat zyrtarë në kryerjen e detyrave zyrtare

Kryetari i Kuvendit të Kosovës, Glauk Konjufca

Kryetari i Kuvendit të Kosovës, Glauk Konjufca, është deklaruar i pafajshëm lidhur me akuzën e ngritur për hedhjen e gazit lotsjellës në sallën e kuvendit.

Si pasojë e kësaj, ishte pamundësuar qëndrimi i pjesëmarrësve nga tymi që ishte shkaktuar nga gazi lotsjellës dhe të njëjtit ishin detyruar ta lëshojnë sallën.

“Për këtë që më akuzoni ndjehem plotësisht i pafajshëm”, është deklaruar Konjufca të martën e 19 prillit, në seancën fillestare.

Hedhja e gazit lotsjellës në Kuvendin e Kosovës

Ai ka theksuar se veprimi i tij ishte plotësisht politik dhe ka konsideruar që është ndjerë i obliguar të veprojë në atë mënyrë për shkak të betimit që kishte bërë si deputet.

“Si deputet i Kosovës, jam betuar, kam deklaruar që me çdo kusht dhe me çdo mjet do ta mbroj sovranitetin dhe integritetin e Republikës së Kosovës”, shtoi ai, raporton “Betimi për Drejtësi”.

Ndërkaq, gjykatësja e rastit, Edita Çanta, e ka njoftuar kryeparlamentarin konjufca se brenda afatit prej 30 ditësh mund të paraqesë kërkesë për kundërshtim të provave dhe hudhje të aktakuzës.

Ndryshe, aktakuza ndaj Konjufcës për hedhjen e gazit lotsjellës në kuvend ishte konfirmuar më shtatë prill të këtij viti, e cila edhe kishte dështuar për shkak se i akuzuari Konjufca nuk është paraqitur në gjykatë.

Megjithatë, sipas gjykatëses së rastit, Edita Çanta, i pandehuri në këtë rast e kishte njoftuar gjykatën se për shkak të angazhimeve në punën e tij, nuk mund të jetë i pranishëm.

Ndryshe, Prokuroria Themelore në Prishtinë, më tre shkurt të vitit 2017 kishte ngritur aktakuzë kundër Konjufcës, të cilin e kishte ngarkuar me dy vepra penale.

Hedhja e gazit lotsjellës në Kuvendin e Kosovës

Konjufca ngarkohet për “Përdorimin e armës apo mjetit të rrezikshëm”  dhe “Pengimin e personit zyrtar gjatë kryerjes së detyrave zyrtare”.

“Sipas aktakuzës, i pandehuri po akuzohet se më 10 gusht të vitit 2016, gjatë mbajtjes së mbledhjes në sallën e kuvendit të Kosovës, i njëjti në cilësinë e deputetit në kundërshtim me ligjin ka përdorur armë, ashtu që gjatë kësaj mbledhje ka hedhur gazin lotsjellës në këtë sallë”.

Si pasojë e kësaj, ishte pamundësuar qëndrimi i pjesëmarrësve nga tymi që ishte shkaktuar nga gazi lotsjellës dhe të njëjtit ishin detyruar ta lëshojnë sallën.

Vepra penale me të cilën ngarkohet Konjufca, bazuar në nenin 375, paragrafi i parë i Kodit Penal, dënohet me burgim prej një deri në tetë vjet.

Ndërkaq, sipas dispozitivit të dytë të kësaj aktakuze, i pandehuri Konjufca gjatë përdorimit të gazit lotsjellës ka penguar personat zyrtarë si ish-kryetarin e kuvendit, Kadri Veseli, deputetët Adem Grabovci, Ismet Beqiri, Sabri Hamiti, Pal Lekaj, Valdete Bajrami dhe Sllobodan Petroviq në kryerjen e detyrave zyrtare.

Për këtë, Konjufca akuzohet se ka kryer veprën penale “Pengimi i personit zyrtar gjatë kryerjes së detyrave zyrtare” parashikuar nga neni 409, paragrafi 1 të Kodit Penal, vepër e cila dënohet me burgim prej tre muaj deri në tre vjet.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të fundit nga rubrika