Kryetari i Kuvendit, Glauk Konjufca, ka reaguar pas kritikave të deputetëve opozitarë lidhur me rolin e Dejona Mihalit në Lëvizjen Vetëvendosje.
Pasi ka mbajtur një mbledhje të Kryesisë së Kuvendit, në konferencë për media, Konjufca ka thënë se Mihali, e cila ka detyrën e kryetares së Komitetit të Vetëvendosjes, ajo edhe bashkëpunon me deputetët në fjalimet e tyre.
Ndërsa, ka shtuar se edhe vetë konsultohet me të, por nuk merr urdhra.
“Sa i përket Dejona Mihali e mban një pozitë të rëndësishme në VV. Është kryetare e Komitetit të VV-së. Komitetet e bëjnë politikën e VV-së, e prodhojnë politikën profesionale të VV-së. Politika profesionale e komiteteve është në bashkëpunim me deputetët se si t’i përgatisin fjalimet e tyre. Edhe unë konsultohem ndonjëherë me Dejona Mihalin, por nuk mendoj që ajo më jep urdhra mua, thjesht bisedojmë dhe vijmë në konstatime të përbashkëta”, ka thënë ai pas mbledhjes së Kryesisë së Kuvendit.
Konjufca: Ka qenë befasi për mua të lirohem tërësisht nga akuza për hedhjen e gazit lotsjellës
Konjufca ka thënë se është i befasuar me vendimin e Gjykatës Themelore lidhur me akuzën për hedhjen e gazit lotsjellës në mbledhjen e Kryesisë më 18 gusht 2016.
Ai ka theksuar se ka pritur që të dënohej me kusht ose me gjobë.
Po ashtu, ai në konferencë për media ka reaguar edhe ndaj thirrjes së Parlamentit Evropian për largimin e masave ndaj vendit dhe dënimin e personave të përfshirë në sulmin terrorist në Banjskë.