Konjufca falënderon homologun austriak, Sobotka për përkrahjen ndaj shtetit të Kosovës

Kryeparlamentari Konjufca në takim me kryeparlamentarin austriak, Sobotka, ka thënë se është thellësisht falënderues për rolin, mbështetjen dhe kontributin që Austria ka dhënë për pavarësinë e Kosovës

Kryetari i Kuvendit të Kosovës, Glauk Konjufca dhe kryeparlamentari austriak, Wolfgang Sobotka në takimin e tyre në Austri

Kryetari i Kuvendit të Kosovës, Glauk Konjufca, të enjten, ka udhëtuar për vizitë zyrtare në Austri, ndërsa në takimin me homologun e tij austriak, Wolfgang Sobotka, e ka falënderuar për ndihmën ndaj shtetit të Kosovës në të gjitha proceset.

Kryeparlamentari Konjufca në një postim në Facebook, ka shkruar se do të forcohen edhe më tutje marrëdhëniet me shtetin austriak.

“Sot, në vizitën time zyrtare në shtetin e Austrisë, pata kënaqësinë që të takohem me kryetarin e Parlamentit, Këshillit Kombëtar të Austrisë, mikun tim Wolfgang Sobotka”, ka shkruar Konjufca.

Ai, ndër të tjera, ka thënë se është thellësisht falënderues për rolin, mbështetjen dhe kontributin që Austria ka dhënë për pavarësinë e Republikës së Kosovës dhe konsolidimin e shtetit qe një kohë të gjatë.

“Shpreh mirënjohjen edhe për mbështetjen që aktualisht Austria po i jep procesit të integrimit të Kosovës dhe rajonit të Ballkanit në Bashkimin Evropian”, ka shtuar Konjufca.

Kryetari i Kuvendit të Kosovës, Glauk Konjufca dhe kryeparlamentari austriak, Wolfgang Sobotka në takimin e tyre në Austri

Ai, ndër të tjera, ka thënë se është e nevojshme forcimi i bashkëpunimit ndërparlamentar dhe ndërshtetëror në fusha të ndryshme me interes dypalësh, e në veçanti për promovimin e biznesit dhe nxitjen e investimeve direkte nga kompanitë austriake në Kosovë.

Sipas tij, në këtë mënyrë do të forcohen edhe më shumë lidhjet historike, miqësore e kulturore midis vendeve dhe popujve.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika