Kryetari i Kuvendit të Kosovës, Glauk Konjufca, është takuar me Ambasadorin e Shteteve të Bashkuara të Amerikës në Kosovë, Jeffrey M. Hovenier dhe Alyson Grunder, Zëvendësshefen e Misionit.
Kësaj të fundit, Konjufca i ka dëshiruar mirëseardhje dhe njëherësh, edhe suksese në detyrën e re. Gjithashtu, ai i ka falënderuar ata për mbështetjen e Shteteve të Bashkuara të Amerikës ndaj Kosovës.
“Miqësia e dëshmuar dhe partneriteti shembullor ndërmjet popujve dhe shteteve tona mbeten postulate të palëkundura, siç mbetet i palëkundur përkushtimi i Republikës së Kosovës për thellimin e marrëdhënieve dhe bashkërendimin e objektivave me Shtetet e Bashkuara të Amerikës”, ka shkruar Konjufca, në Facebook.
Ambasadori Hovenier i ka dorëzuar letrat kredenciale Presidentes së Kosovës, Vjosa Osmani-Sadriu në Prishtinë, më 10 janar të këtij viti.
