Konjufca: Mohimi për gjenocidin serb në Kosovë vjen nga persona me prirje fashiste

Kryetari i Kuvendit të Kosovës, Glauk Konjufca, ka thënë se nuk do të ndalen së kërkuari drejtësi, dhe janë duke punuar “pareshtur që Serbia një ditë të përgjigjet për gjenocidin e kryer ndaj shqiptarëve në Kosovë”

Kryeparlamentari, Gluk Konjufca, kryeministri, Albin Kurti dhe presidentja, Vjosa Osmani duke bërë homazhe tek varrezat e fshatit Reçak

Kryetari i Kuvendit të Kosovës, Glauk Konjuca, ka reaguar në lidhje me 24-vjetorin e Masakrës së Reçakut.

“Mëngjesin e akullt të 15 janarit 1999, fshati Reçak ishte zgjuar nën shtetrrethim të hekurt nga ana e forcave policore, ushtarake dhe paramilitare serbe. Fillimisht, kishin granatuar fshatin me artileri të rëndë, e më pas këmbësoria kishte filluar terrorin shtëpi për shtëpi”, ka shkruar Konjufca.

Kryeparlamentari Konjufca ka shtuar se “lufta çlirimtare kundër Serbisë pushtuese i kushtoi popullit të Kosovës mbi 15 mijë jetë njerëzish, duke përfshirë burra, gra, fëmijë dhe pleq, dhjetra e mijëra dhunime, qindra e mijëra shtëpi të djegura e të rrënuara, ndjekje, dëbim masiv e deportim të më shumë se gjysmës së popullsisë, si dhe dëme të pallogaritshme ekonomike e materiale”.

Konjufca ka potencuar se “Kosova, 24 vjet pas mbarimit të luftës, ne ende i kërkojmë mbi 1600 persona të zhdukur me dhunë nga forcat serbe”.

Tutje, ai ka theksuar se gjenocidi në Kosovë ka ndodhur, por Serbia vazhdon ta mohojë atë dhe të mos kërkojë as falje.

“Për më keq, mohimi vjen nga të njëjtit persona me prirje fashiste, dyshja Vuçiq e Daçiq, që edhe gjatë luftës në Kosovë kanë shërbyer si ministra në regjimin e Millosheviqit”.

Mes tjerash, Konjufca ka deklaruar se nuk do të ndalen së kërkuari drejtësi, dhe janë duke punuar “pareshtur që Serbia një ditë të përgjigjet për gjenocidin e kryer ndaj shqiptarëve në Kosovë”.

Po ashtu, ai ka shtuar se u deshën sakrifica e flijime të mëdha për të qenë “të lirë e të pavarur në Republikën e Kosovës”.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika