Kryetari i Kuvendit të Kosovës, Glauk Konjufca, ka pritur të martën në takim shefin e Misionit të OSBE-së në Kosovë, ambasadorin Michael Davenport.

Sipas njoftimit, në takim, ndër të tjera, u diskutua për punën e legjislativit dhe u shkëmbyen pikëpamje edhe në lidhje me procesin e reformës zgjedhore.

Kryetari Konjufca e ka falënderuar ambasadorin Davenport për mbështetjen e deritashme të Kuvendit nga ana e Misionit të OSBE-së.

Kryeparlamentari ka theksuar se një ndër prioritetet kryesore të kësaj legjislature është reformimi i sistemit zgjedhor dhe ka shprehur përkushtimin për intensifikimin e bashkëpunimit të ndërsjellë.