Ministri i Punëve të Jashtme dhe Diasporës, Glauk Konjufca, do të presë sot në ora 09:00, ministrin e Deleguar për Evropën të Republikës së Francës, Benjamin Haddad.
Takimi do të zhvillohet në objektin e Ministrisë së Punëve të Jashtme dhe Diasporës, ku pritet të diskutohen marrëdhëniet dypalëshe ndërmjet Kosovës dhe Francës, si dhe çështje të tjera me interes të përbashkët.
Pas takimit, sipas agjendës, Konjufca dhe Haddad, së bashku me ministrin e Financave, Hekuran Murati, do të nënshkruajnë marrëveshje bashkëpunimi në fushën e drejtësisë, arsimit dhe organizimit të Lojërave Mesdhetare, ndërsa më pas do të mbajnë një deklaratë të përbashkët për media.