Konjufca takon Jakup Krasniqin dhe Pjetër Shalën në Hagë

Kryeparlamentari Glauk Konjufca realizon takimet e para me të paraburgosurit në Hagë. Të dielën, kryetari i Kuvendit do të takojë ish-presidentin Thaçi dhe ish-kryekuvendarin Veseli

Kryetari i Kuvendit të Kosovës, Glauk Konjufca, gjatë vizitës në Hagë

Kryetari i Kuvendit të Kosovës, Glauk Konjufca, gjatë qëndrimit të tij në Hagë, ku po viziton ish-krerët e Ushtrisë Çlirimtare të Kosovës, të cilët po mbahen në paraburgim në Hagë, është takuar me ish-kryetarin e kuvendit, Jakup Krasniqin dhe Pjetër Shalën.

Ilir Kërçeli, shef i kabinetit të Kryetarit të Kuvendit, në një postim në llogarinë e tij në Facebook, ka thënë se takimi me ish-presidentin Hashim Thaçi dhe ish-kryparlamentarin Kadri Veseli, do të zhvillohet të dielën.

“Sot bashkë me kryeparlamentarin Konjufca filluam vizitat në Hagë, takuam ish-kryeparlamentarin Jakup Krasniqi e Pjetër Shalën, pas drekës takojmë gjeneral Rexhep Selimin. Kurse nesër ish-presidentin Hashim Thaçi dhe ish-kryeparlamentarin Kadri Veseli, e po ashtu edhe të dënuarit nga shoqata e veteranëve të luftës, Hysni Gucati e Nasim Haradinaj”, ka shkruar Kërçeli.

Kryeparlamentari i Kosovës, Glauk Konjufca ka konfirmuar se në fund të këtij muaji do të vizitojë ish-udhëheqësit e UÇK- së, që po mbahen në paraburgim në Hagë nga Gjykata Speciale.

“Ne besojmë fuqishëm në pastërtinë e luftës çlirimtare të popullit tonë në krye me UÇK-në. Sikundër jemi të bindur se adresa e krimeve barbare dhe gjenocidit mbi popullin tonë është Serbia agresore, e pandëshkuar deri më tani. Të bashkuar me njëri-tjetrin mbrojmë historinë e vendit tonë”, ka shtuar ai.

Konjufca të premten është nisur për në Hagë, ku ka paralajmëruar se do t’i vizitojë ish-krerët e UÇK-së.

Në Hagë, ish-liderët e UÇK-së dhe të Kosovës, pos vizitave nga anëtarët dhe deputetët e PDK-së, i ka takuar edhe kryeministri i Shqipërisë, Edi Rama.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika