Ministri në detyrë i Punëve të Jashtme dhe Diasporës i Kosovës, Glauk Konjufca, ka bërë të ditur se ka zhvilluar një diskutim të strukturuar në ambasadën e Kosovës në Bruksel me të dërguarin e BE-së për dialogun Kosovë-Serbi, Peter Sorensen.
Konjufca ka njoftuar se bashkë me kryenegociatorin Agron Bajrami kanë rikonfirmuar se vendi mbetet plotësisht i përkushtuar dhe i angazhuar në mënyrë konstruktive në procesin e dialogut me Serbinë.
Sipas tij, synimi i qartë i Kosovës mbetet përmbyllja e procesit përmes njohjes reciproke mes dy vendeve.
“Së bashku me kryenegociatorin tonë Agron Bajrami, ne riafirmuam se Republika e Kosovës mbetet plotësisht e përkushtuar dhe e angazhuar në mënyrë konstruktive — me qëllimin e qartë për të përfunduar procesin përmes njohjes reciproke”, ka shkruar Konjfuca në rrjetin social X.
Pleased to host @EUSR_Dialogue Sørensen at our Embassy in Brussels for a structured discussion on advancing the normalisation dialogue with Serbia.
Together with our Chief Negotiator @AgronBajrami, we reaffirmed that the Republic of Kosova remains fully committed and… pic.twitter.com/aD7nHcahcV— Glauk Konjufca (@KonjufcaGlauk) May 12, 2026