Krahas aktiviteteve për luftimin e kontabandës në Veri të Kosovës, në këtë të fundit është ndaluar një automjet i ngarkuar me një sasi lëngu, që dyshohet të jetë alkool medicinal.
Lajmin e ka bërë të ditur Policia e Kosovës në një komunikatë përmes së cilës bën të ditur se automjeti kishte qenë në përcjellje.
“Kështu dje, në pjesën veriore është vërejtur një automjet me të cilin dyshohej se po kryhej kontrabandë me mall, me ç‘rast automjeti është përcjellë dhe më pas është ndaluar nga policia. Gjatë kontrollit të tij është vërejtur se është i ngarkuar me një sasi lëngu, që dyshohet të jetë alkool medicinal”, thuhet në komunikatë gjersa theksohet se “Automjeti drejtohej nga një mashkull kosovar dhe i njëjti është sjellë në Stacionin Policor Mitrovicë Jugu”.
Krahas kësaj, bëhet e ditur se rasti është trajtuar në koordinim me organet e drejtësisë dhe më pas është referuar për trajtim së bashku me mallin e konfiskuar tek Dogana e Kosovës.