Kontrata Kolektive e nënshkruar ndërmjet ish-Ministrit të Arsimit, Ramë Likaj dhe kryetarit të SBASHK-ut, Rrahman Jasharaj u shkëput nga Ministrja aktuale, Arbërie Nagavci.
Për këtë veprim kjo ministri pati këtë arsyetim.
“Kjo kontratë ka pasur probleme serioze ligjore dhe si e tillë është e pavlefshme. Për këtë kontratë nuk ka pasur asnjë vlerësim ligjor, financiar dhe planifikim buxhetor para nënshkrimit”.
Por, nga SBASHK-u po ankohën që nuk u përfshin në procesin e shkëputjës.
“Meqë shkëputja e Kontratës Kolektive nga ana e MASHTI-të është e njëanshme pa përfshirjen e SBASHK ne do ti ndërrmarin të gjitha rrugët ligjore”, ka thënë Shala.
Kontrata Kolektive ndër të tjera përfshinte disa të mira për mësimdhënësit. Një ndër to edhe ndihmesen prej 70 për qind të lirimit të pagesës për udhëtim.
Kjo nuk po mirëpritët aspak nga mësimdhënësi, Agim Kosumi.
“Çdo mësimdhënës pa kontratë kolektive nuk mund ti gëzoj shumë të drejta, pagesën e udhëtimit, pagesën e shujtave e nuk e di si po ka guxim një njeri të eliminoj gjithcka që është arritë deri më tash”, është shprehur Kosumi.
Megjithatë, Qeveria e Kosovës po planifikon që të krijoj një Kontratë të re kolektive.
Kryeministri i Kosovës, Albin Kurti në konferencën e të mërkurës tha se kontrata do të hartohet në përputhje me mundësitë buxhetore për pagat e reja për punonjësit në Republikën e Kosovës.