Deputeti i Lëvizjes Vetëvendosje, Visar Korenica, i cili ditë më parë është shkarkuar nga pozita e ordinatorit të Qendrës së kësaj partie në Rahovec, ka thënë se Albin Kurti, i ka kërkuar fillimisht dorëheqjen, ai nuk e ka pranuar dhe pastaj sipas tij ka pasuar shkarkimi.
Korenica, u shpreh se shkarkimi i tij është bërë për shkak të qëndrimit të tij kundër martesave për gjininë e njëjtë.
“Shkarkimi ka ndodh në muajin prill pas mosvotimit të Kodit Civil nga ana ime. Prej muajit prill e deri para emërimit të koordinatorit të ri, nuk e kam parë të arsyeshme të flasë për këtë. Mua më është komunikuar vendimi me email, se kryesia e VV’së ka marrë vendim për me ju liru nga pozicionit të koordinatorit, ju faleminderit për kontributin tuaj deri tashmë”, ka thënë Korenica në emisionin “Pressing” në T7.
Ditë më parë, Korenica kishte deklaruar se shkarkimi i tij ishte bërë qysh në muajin prill të këtij viti.