Kori “Siparantum” i cili ka përfaqësuar Kosovën në Festivalin Internacional të Koreve “Lisbon Sings”, në Portugali, ka fituar vendin e parë.
“Wohoooo, Historia përsëritet prapë, Fitues edhe në Portugali”.
“Fitues të kategorisë A1 (Competition in Category A1-Choirs of Mixed Voices-Difficulty Level I, Kategoria më e vështirë e festivalit) + Diplomë e Artë”, shkruhet në faqen e korit në Facebook.
Kori nga Peja ka garuar në dy kategori, Competition in Category A1 – Choirs of Mixed Voices – Dificulty Level I (Kategoria më e vështirë e festivalit) dhe Competition in Category S – Scared Choral Music a acapella.
Ndyrshe, kori Siparantum është shpërblyer me pikët maksimale në Festivalin Internacional të Koreve “The Golden Lime of Tuhelj” në Kroaci, që i ka sjellë vendit “Medalje të Artë”, fitues i kategorisë “ Musica Contemporanea” në garën më të madhe të koreve në botë, WORLD CHOIR GAMES (2021) dhe Diplomë të Artë, fitues i dy vendeve të para (Kategoria F dhe Kategoria G) në Europian Festival for Young People, në Belgjikë.