Albin Kurti, kryeministër në detyrë i Republikës së Kosovës, ka pritur në takim Komisioneren e Bashkimit Evropian për Zgjerim, Marta Kos.
Pas takimit, Kurti dhe Kos pritet të mbajnë një konferencë të përbashkët për media, ku do të bëhen publike detaje nga diskutimet dhe qëndrimet e palëve.
Më herët gjatë ditës, Komisionerja Kos është pritur edhe nga ushtruesja e detyrës së presidentes, Albulena Haxhiu, në kuadër të vizitës së saj zyrtare në Kosovë.
Vizita e Marta Kos në Prishtinë po zhvillohet në kuadër të angazhimeve të Bashkimit Evropian për zgjerim dhe mbështetje të vendeve të Ballkanit Perëndimor në procesin e integrimit evropian.