Kryeministri i Kosovës, Albin Kurti, gjatë ditës së diel ka njoftuar se në arsenalin e ushtrisë ka shtuar dhe dronë “Bayraktar TB-2” të cilët i kanë blerë si Qeveri nga Turqia.E gjatë ditës së hënë ka reaguar misioni i KFOR-it sa i përket këtyre dronëve, duke theksuar se kanë ka autoritetin kryesor për hapësirën ajrore mbi Kosovë.
Në një njoftim për media kanë thënë se presin që institucionet e Kosovën të koordinohet me KFOR-i dhe ti respektojnë proceduar ekzistuese.
“Lidhur me përdorimin e të gjitha kategorive të dronëve dhe kufizimet përkatëse, duke përfshirë Bayraktar TB-2, në përputhje me Rezolutën 1244 të Këshillit të Sigurimit të Kombeve të Bashkuara (OKB) të vitit 1999, Komandanti i Forcave të Kosovës (KFOR) ka autoritetin kryesor për hapësirën ajrore mbi Kosovë. Hapësira e sipërme ajrore e Kosovës mund të përdoret vetëm për të fluturuar mbi Kosovën nga një vend në tjetrin përmes fluturimeve komerciale; hapësira e poshtme ajrore mund të përdoret për nevoja specifike, rast pas rasti dhe sipas autorizimit të mëparshëm nga komandanti i KFOR-it. Presim që institucionet në Kosovë të sigurojnë koordinim dhe të respektojnë procedurat ekzistuese”, thuhet në njoftim e KFOR-it.
“Mbështesim FSK-në për operacionet e mbrojtjes civile siç janë shuarja e zjarrit, asgjësimi i mjeteve shpërthyese, kërkimi dhe shpëtimi dhe reagimi ndaj derdhjeve të materialeve të rrezikshme”.