Ministri i Shëndetësisë i Republikës së Kosovës, Dr.Rifat Latifi, gjatë vizitës së tij zyrtare në Austri ka vizituar Klinikën Universitare të Stomatologjisë dhe ka takuar homologun e tij, Prof. Dr.Wolfgang Kole.
Gjatë këtij takimi, ministri Latifi, ka shprehur respektin dhe konsideratën e tij për mbështjetjen e këtij Universiteti, dhe për bashkëpunimin e ofruar për të zhvilluar shëndetësinë e Kosovës.
Latifi fokus të veçantë gjatë takimit i ka kushtuar ndërtimit të kapaciteteve të sistemit shëndetësor dhe shkëmbimit të përvojave të ekspertëve nga të dyja vendet, shkruhej në postimin e MSh.
Po ashtu, në këtë takim ministri Latifi ka kërkuar edhe bashkëpunim sa i përket trajnimit të stafit të mjekëve dhe të infermierëve, në mënyrë që gjeneratat e reja të jenë sa më të përgatitura për shërbim sa më të mirë ndaj pacientëve.
Ndërkaq, drejtuesit e këtij Universiteti janë shprehur të gatshëm për të bashkëpunuar me ministrin Latifi, pasi që mbështetja dhe përkushtimi për transformin e shëndetësisë së Kosovës është e domosdoshme.