Kosova është mposhtur nga Çekia me rezultat 2:1 në ndeshjen miqësore të zhvilluar në Pragë.
“Dardanët” zhvilluan një pjesë të parë të zbehtë, ku vendasit dominuan dhe realizuan dy herë.
Fillimisht, Tomas Ladra kaloi çekët në epërsi në minutën e 12-të, duke shënuar nga afërsia për 1:0.
Më pas, në minutën e 32-të, Adam Hlozek realizoi një gol të bukur për 2:0, pasi mbrojtja e Kosovës la shumë hapësirë.
Kosova reagoi në pjesën e dytë dhe arriti ta ngushtojë epërsinë në minutën e 80-të. Pas një aksioni të gjatë, topi i dërguar në zonë nga Dion Gallapeni u devijua dhe përfundoi te Lindon Emërllahu, i cili shënoi për 2:1.
Pavarësisht përpjekjeve në minutat e mbetura, Kosova nuk arriti të shmangte humbjen, duke e mbyllur miqësoren në Pragë me disfatë 2:1.